服務 · 最後更新 2026年9月
CO2 激光脫疣
由香港註冊醫生喺持牌日間醫療中心內操作。以下係你做之前應該知嘅全部嘢——包括唔好做嘅情況。
首次檢查免費註冊醫生親自操作報價後不再加單
$6,800
每個部位（Part），一次過完成
- 首次檢查免費
- 數量少（1–3 粒）可按粒計
- 麻醉 · 藥膏已包
- 一個月內同部位補脫已包
- 索償表格醫生填寫
首次檢查免費報價後不再加單
01
你嗰粒，係咪疣？
最多人係將疣當成暗瘡去擠，或者將油脂粒、肉芽當成疣去搣——兩個方向都會令有傳染性嘅病毒疣擴散。以下僅供初步參考，最終要由醫生檢查確認。
- 成因
- HPV 病毒感染表皮細胞
- 傳染性
- 有。可經接觸、共用毛巾剃刀傳播，亦會由你自己帶去其他部位
- 外觀
- 表面粗糙、唔紅、唔痛；有時中央見細小黑點
- 時間
- 幾個星期都係咁，但會愈生愈多
- 點處理
- 唔好搣、唔好擠。由醫生確認類型同範圍
- 成因
- 毛孔閉塞、油脂積聚、細菌發炎。與病毒無關
- 傳染性
- 無
- 外觀
- 周圍紅腫、有膿頭或白頭，會痛
- 時間
- 幾日之內會明顯變化
- 同疣最大分別
- 暗瘡會發炎、會痛、幾日就變；疣唔紅、唔痛、幾個星期一樣，而且愈生愈多。將疣當暗瘡擠，係最常見嘅擴散原因
- 成因
- 角質堆積形成嘅細小囊腫。與病毒無關
- 傳染性
- 無
- 外觀
- 白色或黃白色圓粒，表面光滑，大小平均
- 時間
- 可以維持好耐，但唔會愈生愈多
- 要注意
- 一般視為美容性質，保險通常唔覆蓋
- 成因
- 皮膚組織良性增生，常因摩擦引起
- 傳染性
- 無
- 外觀
- 柔軟、有蒂垂下，膚色或偏深
- 時間
- 一般唔會自己消失
- 要注意
- 如因衣物摩擦反覆發炎流血，醫生或會視為有處理需要
03
四種方法，邊種啱你？
脫疣唔止一種做法。VERITA 提供嘅係 CO2 激光；冷凍治療、電灼、手術切除各有適用範圍，醫生檢查時會按你嘅情況講解。
睇四種方法詳細比較 ＋
| 方法 | 原理 | 較常用於 | 要留意 |
|---|---|---|---|
| CO2 激光 | 10,600nm 波長激光精準氣化受感染組織 | 面部、需要精準定位嘅位置 | 傷口細、復原快；新生皮膚需嚴格防曬，有色素沉澱風險 |
| 冷凍治療 | 以液態氮低溫破壞受感染表皮組織 | 手、腳等角質較厚嘅疣 | 過程或有刺痛；一般需要多次治療 |
| 電灼 | 以高溫燒灼疣組織 | 面積較大嘅位置 | 需局部麻醉；術後傷口較明顯，結疤風險相對激光高 |
| 手術切除 | 直接切除病灶 | 體積過大嘅單一疣 | 涉及麻醉及縫合；術後傷口護理要求較高 |
VERITA 提供嘅係 CO2 激光。其他方法各有適用範圍，醫生會按你嘅情況講解，唔啱就會照直講。
04
做之前你要知嘅三件事
支柱 / 01 · 透明收費
$6,800 一個部位，報價後不再加單
檢查完先報價，書面列明按粒計定按部位計。收據分項列明：診金、療程費、藥費。收費計算器喺收費版，數你可以自己計。
支柱 / 02 · 註冊醫生
香港註冊醫生親自操作
喺持牌日間醫療中心內進行，可要求女醫生。唔會由非醫生人員操作。
支柱 / 03 · 過程感受
治療前先搽麻醉藥膏
治療前會先搽麻醉藥膏，等藥力生效。大部分人形容過程為輕微刺熱感，而非明顯痛楚。實際感受因人而異。
05
由預約到完成，七步
每一步你都可以叫停。付款喺確認報價之後，唔會有任何一步係「做咗先算」。
醫生親自檢查，判斷係咪病毒疣、有無處理需要、涉及幾多個部位。如果醫生認為可以觀察多陣，會直接同你講。呢一步唔收費，亦唔需要即日決定。
當場報價並書面列明：按粒計定按部位計、涉及幾多個部位、總額。報咗價之後唔會再加。
我哋會俾一份文件清單同問題清單你，等你可以自己打去保險公司問清楚。我哋唔會代你判斷你張保單賠唔賠。你可以攞住報價走，問清楚先返嚟。
CO2 激光療程同意書，列明程序、風險（包括色素沉澱、結痂、留印可能）及術後護理要求。簽之前有時間睇。
按部位及數量使用表面或局部麻醉，等待藥力生效。
由註冊醫生親自操作。整個過程視乎數量，一般數十分鐘內完成。
醫生按實際檢查及治療內容填寫索償表格，收據分項列明。一個月內如同一部位需要補脫，可預約處理，不另收費。
06
做完之後嗰兩個星期，先係關鍵
會唔會留印，八成取決於呢段時間你做咗咩。以下係一般情況嘅時間線，實際以醫生指示為準。
療程前後要注意嘅事 ＋
療程前
- 一個月內曾接受激光、果酸或微針等刺激性療程，不宜即時進行。
- 正服用維他命 A 酸、抗生素或其他感光性藥物，需按醫生指示處理。
- 懷孕人士因荷爾蒙改變可能增加色素沉澱風險，須先諮詢醫生。
療程後
- 按指示持續搽藥膏，直至傷口完全癒合。
- 結痂前避免游泳及劇烈運動。
- 盡量以清水潔面，避免含酒精或刺激性成分嘅產品。
- 結痂脫落後嚴格防曬，否則新生皮膚容易反黑。
07
喺邊度做，決定咗你之後嘅索償
由註冊醫生喺持牌醫療處所做、有醫療報告同分項收據，係保險公司受理嘅基本條件。美容院嘅收據一般唔會受理。呢一點同你揀唔揀我哋無關，但你去邊度做都應該問清楚。
睇醫療中心同美容院嘅分別 ＋
持牌日間醫療中心
- 由註冊醫生操作 CO2 激光
- 有醫生簽發嘅醫療報告
- 收據可分項列明
- 保險公司一般受理
美容院
- 由美容師操作，非醫療程序
- 無醫生診斷或報告
- 收據屬美容服務性質
- 保險公司一般唔受理
08
常見問題
有無女醫生？
有。預約時講低你嘅要求，我哋會按醫生當日排期安排。所有 CO2 激光療程一律由註冊醫生親自操作。
做完會唔會留印？
會有結痂，一般一至兩星期脫落。之後新生皮膚較幼嫩，如果曬到太陽好容易色素沉澱（反黑）。嚴格防曬同唔好搣焦，係決定會唔會留印嘅關鍵。
會唔會復發？
疣由 HPV 病毒引起，即使清除咗，同一位置或其他位置都有機會再出現，亦可能經共用物品再感染。所以同一部位一個月內補脫一次已包喺收費入面，亦會同你講點減低再感染風險。
你哋仲有做其他療程？
有，但唔會喺你做脫疣嗰陣推銷。如果你想了解，可以自己問。我哋寧願你隔一排諗清楚先返嚟。